தலை நகராம் கொழும்பில் 1942 ஆம் ஆண்டிலிருந்து இன்று வரை தமிழ்மொழிக்குத் தொண்டாற்றும் நிறுவனம், கொழும்புத் தமிழ்ச்சங்கம். தமிழ்மொழி, தமிழர் பண்பாடு, கலைகள் சார்ந்த துறைகளில் வளர்ச்சியையும் செழுமையையும் இலக்குகளாகக் கொண்டு இதன் பணிகள் அமைந்துள்ளன.

உயர்நிலை ஆய்வு, உசாத்துணை உட்பட தேவைகள் பலவற்றைப் பூர்த்தி செய்வதாயும், தமிழ்மொழியிலான வாசிப்பின் தளத்தை விரிவுபடுத்துவதாயும் சங்கத்தின் நூலகம், தனித்துவமானதாகத் திகழ்கிறது. பெரும் எண்ணிக்கையிலான தமிழ் நூல்களைத் தன்னகத்தே கொண்டிலங்கும் இந்நூலகம், இடையறாது தன்னைப் புதுக்கிக் கொள்கிறது. படைப்பாளிகள், வெளியீட்டாளர்கள் என்போருக்கும் களம் அமைத்துக் கொடுத்தல், மாணவரின் ஆக்கத்திறனை வளர்த்தெடுத்தல், இலக்கிய ஆர்வலர்களின் இரசனையை மேம்படுத்தல், “ஓலை” சஞ்சிகை வெளியீடு, நூல்பிரசுரம் என சங்கத்தின் இலக்கியப்பணிகள் பன்முகப்பட்டன.

நூலகம்

நூல்கள் விற்பனை நிலையம்

இந் நாட்டில்வெளியாகும் நூல்களும், இலங்கை எழுத்தாளர்களின் புதுப்புது ஆக்கங்களும் மொத்த மாகவும் சில்லறையாகவும் இந்நிலையத்தில் விற்பனை செய்யப்படுகின்றன.

“ஓலை”

ஓலை எனும் மாதாந்தச் சஞ்சிகை சங்கத்தின் செய்திகளுடன் பல இலக்கியப்படைப்புக்காயும் தன்னகத்தே கொண்டுள்ளது. வெளி நாட்டில் வாழும் இலங்கையர்களின் பெரும் ஆவலுடன் பெற்றுப் பயன் பெற்று வருகின்றன. இலக்கிய இதழாக வெளிவந்து கொண்டிருக்கிறது.

சந்தா விபரம்

இலங்கை : தனிப்பிரதி 100 ரூபா
ஒருவருடம் 1000 ரூபா
இந்தியா ஒருவருடம் 600 ரூபா
கடல் கடந்த நாடுகள் 30 அமெரிக்க டொலர்

ஓலை இதழின் விரிவாக்கத்திற்கு உதவ விரும்புவோர் தங்கள் அன்பளிப்புக்களைக் காசோலை அல்லது வைப்பாக Colombo Tamil Sangam Society Ltd எனும் நிறுவனத்தின் கணக்கு இல. 1100014906 Commercil Bank வெள்ளவத்தைக்கிளைக்கு அனுப்பிவைக்கலாம்

படைப்பாளிகள், வெளியீட்டாளர்கள் என்போருக்கும் களம் அமைத்துக் கொடுத்தல், மாணவரின் ஆக்கத்திறனை வளர்த்தெடுத்தல், இலக்கிய ஆர்வலர்களின் இரசனையை மேம்படுத்தல், “ஓலை” சஞ்சிகை வெளியீடு, நூல்பிரசுரம் என சங்கத்தின் இலக்கியப்பணிகள் பன்முகப்பட்டன.